ინვესტორი
მოკლედ
- ოპრა უინფრი (Oprah Winfrey) ამერიკელი ტელეწამყვანი და მედია-მეწარმეა.
- მისი ტოქ-შოუ 25 წელი აშშ-ის ყველაზე პოპულარული იყო.
- პირველი შავკანიანი ქალი მილიარდერია აშშ-ის ისტორიაში — მთელი ქონება თავად შექმნა.
- დიდი ქველმოქმედია, მათ შორის სამხრეთ აფრიკაში გოგონებისთვის სკოლა დააარსა.
ბავშვობა და ახალგაზრდობა
ოპრა 1954 წელს მისისიპიში, ძალიან ღარიბ ოჯახში დაიბადა და ბავშვობის პირველი წლები ბებიასთან, ფერმაში გაატარა. რთული, ტრავმული ბავშვობა ჰქონდა, რაზეც მოგვიანებით ღიად ლაპარაკობდა. მოზარდობაში მამასთან, ნეშვილში გადავიდა, რომელმაც სწავლაზე ფოკუსირება ასწავლა. სკოლაში რადიოში დაიწყო მუშაობა.
კარიერის გზა
19 წლის ასაკში ადგილობრივი ტელევიზიის წამყვანი გახდა. 1984 წელს ჩიკაგოში სუსტი რეიტინგის დილის შოუ ჩაიბარა და რამდენიმე თვეში ქალაქის ყველაზე ყურებად შოუდ აქცია. 1986 წლიდან შოუ მთელ ქვეყანაში გადიოდა. ოპრამ საკუთარი კომპანია დააარსა და შოუს მფლობელი გახდა — ეს ცოტა წამყვანს ჰქონდა გაკეთებული.
წარუმატებლობები
- OWN ტელეარხი: 2011 წელს გაშვებული არხი პირველ წლებში ზარალიანი იყო და სუსტ რეიტინგს აჩვენებდა, სანამ სტაბილიზდებოდა.
- WeightWatchers: საწყისი დიდი მოგების მიუხედავად, კომპანია მოგვიანებით პრობლემებში ჩავარდა და გაკოტრდა.
რა ვისწავლოთ ოპრასგან
- ფლობა ხელფასზე მეტია. ოპრა მილიარდერი იმიტომ გახდა, რომ თავისი შოუს მფლობელი გახდა — ნახე აქციონერი.
- ცნობილი სახე აქციას დროებით ზრდის. WeightWatchers-ის ისტორია აჩვენებს, რომ ცნობილი ინვესტორის შესვლა გრძელვადიან წარმატებას არ ნიშნავს — ნახე FOMO.
- ბრენდი და ნდობა. აუდიტორიის ნდობა ბიზნესის ყველაზე ღირებული აქტივი შეიძლება იყოს.
